छंदोरचना

वृत्त.....पादाकुलक 8 + 8
मा. समुपदेशक- श्री राजेंद्र उगले

सागरतीरी वाळूवरती


सागरतीरी वाळूवरती
लपलप लाटा खेळ खेळती
थंड गारवा स्पर्श मखमली
सरसर काटा अंगा वरती

माडांची ही सळसळ भारी
मनात विजोड हर्ष उभारी
संध्याकाळी दिशा फुलल्या
अवकाशाचा रंग केशरी

वाळूमध्ये पाय माखुनी
चालू लागे मन माघारी
सोनपावले आठवणींची
अलगद येती मनी दाटूनी

कातर वेळी मन एकांती
गत काळाची ओढ वाढवी
सागरतीरी भेट आपली
झाली होती एके काळी...

सविता ब कुंजीर (Savita BK)
राऊ समूह