मृगजळ
ही स्वप्नवेडी मायाकंठात दाटून येते
नाही नाही म्हणता
जाळ्यात गोवून नेते
हे पाश मोहबंधाचे
बिलगून घेती कुशीत
हळूच करकचून
घेती जीव मुठीत
हा भावाभोळा वाटे
का मृगजळाचे काटे?
उमगावे कसे कशास
मनानंद्ध काहूर दाटे
हा वेडा खेळ सारा
नेई अलवार वाहून
परतण्या मार्ग नाही
जीवात्मा जातो गुंतून
कालचक्र जन्मगतीचे
फिरते एकामागून एक
मोक्षबिंदू दूर भासे
डुबलो पुरता त्यात
Savita BK