शोधू मला मी कशी
शोधू मला मी कशी, सांगेल का इथे कुणी?
काळाच्या सावल्या मध्ये
लपली छबी अशी कशी
आघात मनावर अनेक झाले
जवळचे माझे सारे
पडद्यामागे गडप झाले
अविश्वासाचे भूत मनाच्या
पारंब्यांवर जाऊन बसले
फसवे मुखवटे इथे सारे
रंग मनाचे उडवून बसले
ठेचाळलेल्या या मनाला
धर्याने मी पुन्हा जोडलें
जडण घडण करता करता
मीच मला हरवून बसले
शोधू मला मी कशी, सांगेल का इथे कुणी? Savita BK
No comments:
Post a Comment